ཉེ་བའི་ལོ་ཤས་རིང་། བོད་ལྗོངས་ཞོལ་འདོད་དཔལ་སྲོལ་རྒྱུན་ལག་ཤེས་སྒྱུ་རྩལ་སློབ་གླིང་གིས་བོད་ལྗོངས་སློབ་ཆེན་དང་། ནན་ཅིང་དགེ་འོས་སློབ་ཆེན་མཛེས་རྩལ་སློབ་གླིང་། སུའུ་ཀྲོའུ་བཟོ་རྩལ་མཛེས་རྩལ་སློབ་གླིང་སོགས་དབར་ཡུན་རིང་མཉམ་ལས་བྱས་ནས་ཐོན་སློབ་ཞིབ་གསུམ་ཟུང་འབྲེལ་གྱི་སློབ་ཁྲིད་བྱེད་ཐབས་སྤྱད་དེ་མི་རིགས་ཀྱི་ཁྱད་ལྡན་ལག་ཤེས་བཟོ་རྩལ་སྲུང་སྐྱོང་དང་རྒྱུན་འཛིན་བྱེད་བཞིན་ཡོད། ཤེས་རྟོགས་བྱུང་བར་གཞིགས་ན། སློབ་གྲྭ་དེར་མིག་སྔར་ཐང་ག་དང་། གསེར་ཟངས་བརྐོས་བརྙན། སྤོས་སོགས་ཀྱི་སློབ་ཚན་བཀོད་སྒྲིག་བྱས་ཡོད། སློབ་གྲྭ་དེའི་སློབ་མ་མི་ཉུང་བ་ཞིག་ནི་ཁྱིམ་ཚང་དབུལ་པོའི་བུ་ཕྲུག་གམ་དབང་པོ་སྐྱོན་ཅན་ཡིན་པ་དང་། སློབ་གྲྭ་ཐོན་རྗེས་མུ་མཐུད་སློབ་གྲྭར་དགེ་རྒན་བྱེད་པའམ་ཡང་ན་ལས་གཏོད་བྱས་ཏེ་སོ་སོའི་རྩལ་ནུས་ལ་བརྟེན་ནས་འབབ་འཕར་ཕྱུག་འགྱུར་ཡོང་བ་བྱེད་ཀྱི་ཡོད་ཅིང་། འདི་ནི་སློབ་གྲྭ་དེའི་དགེ་རྒན་ཞིག་གིས་སློབ་མར་སློབ་ཁྲིད་བྱེད་བཞིན་པ།