འདི་ག་ཚགས་པར་ཁང་དུ་ལྷ་ས་ནས་ཟླ་3ཚེས་28ཉིན་གནས་ཚུལ་འབྱོར་གསལ། གསར་འགོད་པས་ཤེས་རྟོགས་བྱས་པར། འདི་ལོ་ལྷ་ཀླུ་འདམ་ར་སྒོ་དབྱེ་བའི་དུས་ཚོད་ནི་ཟླ་4ཚེས་1ཉིན་ནས་ཟླ་11ཚེས་1ཉིན་བར་ཡིན་པ་དང་། རྒྱ་ཆེའི་གྲོང་མི་ཚོས་གཟའ་འཁོར་རེའི་གཟའ་མིག་དམར་ནས་གཟའ་ཉི་མ་བར་གྱི་ཆུ་ཚོད་10：00—20：00བར་རིན་མི་དགོས་པར་ལྟ་སྐོར་བྱེད་ཆོག

ལྷ་ཀླུ་འདམ་ར་རང་བྱུང་སྲུང་སྐྱོང་ཁུལ་དོ་དམ་ཅུས་ཀྱི་ཅུས་ཀྲང་གཞོན་པ་ཉི་མ་རྡོ་རྗེས་ངོ་སྤྲོད་བྱས་པར། འདི་ལོ་འཛུལ་སྒོ་གསུམ་སྒོ་དབྱེ་རྒྱུ་སྟེ། འཛུལ་སྒོ་ལྷོ་མ་ནི། བདེ་སྐྱིད་བྱང་ལམ་དང་འདམ་ར་ནུབ་ལམ་ལམ་མདོར(གསེར་གཡག་སྣུམ་སྣོན་ས་ཚིགས་ཀྱི་ཁ་སྤྲོད)ཡོད་པ་དང་། འཛུལ་སྒོ་ཤར་མ་ནི། ཆུ་མིག་ལམ་གྱི་དཀྱིལ་དུམ་ཕོ་བྲང་པོ་ཏ་ལའི་ལས་བཟོའི་འཚོ་བའི་རྟེན་གཞིའི་འགྲམ་དུ་ཡོད་པ། འཛུལ་སྒོ་བྱང་མ་ནི། ལྷ་ས་གྲོང་ཁྱེར་བྱང་སྐོར་ལམ་རྨ་བྱ་ཆུ་འཐུང་ལམ་བྲག་རི་ཁུག་གི་བྱེ་སིམ་རྫིང་བུའི་འགྲམ་དུ་ཡོད་པ་རེད།