འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་ཆར། ཁྲེང་ཀོན་ཆུས་བར་སྐོར་ཁྲོམ་གཞུང་ཀླུ་སྒུག་སྡེ་ཁུལ་དུ་རྒྱལ་ཡོངས་ཀྱི་སྐད་གཉིས་སློབ་སྦྱོང་གི་ཁྱད་ལྡན་གྲོང་རྡལ་གྱི་ལག་བསྟར་རྟེན་གཞིའི་སྒོ་བྱང་བཀལ་བ་རེད། ད་རེས་ཀླུ་སྒུག་སྡེ་ཁུལ་ལྗོངས་ཡོངས་ཀྱི་རྒྱལ་ཡོངས་ཀྱི་སྐད་གཉིས་སློབ་སྦྱོང་གི་ཁྱད་ལྡན་གྲོང་རྡལ་གྱི་ལག་བསྟར་རྟེན་གཞི་འབའ་ཞིག་ཏུ་གཏན་འཁེལ་བྱས་ནས་སྒོ་བྱང་བཀལ་བ་ལས་རྒྱལ་ཁབ་དམངས་ཨུད་དང་རང་སྐྱོང་ལྗོངས་བོད་སྐད་ཡིག་ལས་དོན་ཨུ་ལྷན་གཞུང་ལས་ཁང་གིས་ལྷ་ས་གྲོང་ཁྱེར་སྐད་གཉིས་སློབ་སྦྱོང་ལས་དོན་ལ་ཁས་ལེན་གང་ལེགས་བྱས་པ་མཚོན་ཡོད།
ལྷ་ས་གྲོང་ཁྱེར་གྱིས་སྔར་ནས་བཟུང་མི་རིགས་མཐུན་སྒྲིལ་ལས་དོན་ལ་མཐོང་ཆེན་པོ་བྱེད་པ་དང་། མི་རིགས་མཐུན་སྒྲིལ་ལས་དོན་གྲོང་ཁྱེར་ཡོངས་ཀྱི་དོན་ཆེན་དང་སྤྱི་ཚོགས་ཞི་མཐུན་བརྟན་ལྷིང་ལ་སྐུལ་འདེད་གཏོང་བའི་ལས་འགན་གལ་ཆེན་ལ་བརྩིས་ནས་དམ་འཛིན་བྱེད་པ་དང་། བྱ་ཐབས་ནུས་ལྡན་ཧུར་ཐག་སྤྱད་པ། མངོན་གསལ་དོད་པའི་གནད་དོན་ནུས་ཤུགས་ཡོད་རྒུས་ཐག་གཅོད་བཅས་བྱས་ཏེ། མི་རིགས་མཐུན་སྒྲིལ་ཡར་ཐོན་གྱི་ལས་དོན་ལ་རྒྱུན་ཆད་མེད་པར་སྐུལ་འདེད་བཏང་ཡོད།
གྲོང་ཁྱེར་ཡོངས་ཀྱི་གོང་འོག་ཚང་མའི་ཐུན་མོང་འབད་བརྩོན་འོག མི་རིགས་མཐུན་སྒྲིལ་ལས་དོན་ལ་ཕུལ་དུ་བྱུང་བའི་གྲུབ་འབྲས་ཐོབ་པ་ལས་མི་རིགས་ཁག་གི་མི་དམངས་སྤེལ་རེས་མཉམ་འདྲེས་དང་། བདེ་སྡུག་མཉམ་མྱོང་། སྤུན་ཉེ་འཆམ་མཐུན། ལྟ་རེས་སྐྱོང་རེས། འཆམ་མཐུན་མཉམ་གནས་བཅས་ཀྱི་རྣམ་པ་བཟང་པོ་ཞིག་མངོན་ཡོད་པ་རེད།