གཅིག གཟའ་འཁོར་འདིའི་གནམ་གཤིས་སྔོན་བརྡ། （2020ལོའི་ཟླ་9ཚེས་28ཉིན་ནས་ཟླ་10ཚེས་4ཉིན་བར）

གནམ་གཤིས་ཀྱི་བརྒྱུད་རིམ་གཙོ་བོ།

གཟའ་ཟླ་བ་ནས་གཟའ་ལྷག་པ་བར། ཉིང་ཁྲི་དང་ལྷོ་ཁའི་ཤར་ལྷོ་རྒྱུད་དུ་ཆར་པ་ཆུང་བ་འབབ་རྒྱུ་དང་ས་བབ་དམའ་བའི་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། ནག་ཆུའི་ཤར་རྒྱུད་དང་གཞིས་རྩེའི་ལྷོ་རྒྱུད་དུ་སྤྲིན་པ་མང་པོ་འཁོར་ནས་གནམ་འཐིབ་རྒྱུ་དང་ས་ཆ་ཁག་གཅིག་ལ་ཐོལ་ཆར་འབབ་རྒྱུ། ས་ཁུལ་གཞན་དག་ལ་སྤྲིན་པ་མང་པོ་འཁོར་རྒྱུ།

གཟའ་ཕུར་བུ་དང་གཟའ་པ་སངས། ཉིང་ཁྲི་དང་། གཞིས་རྩེའི་ལྷོ་རྒྱུད། ལྷོ་ཁའི་ཤར་ལྷོ་རྒྱུད་བཅས་ལ་ཆར་པ་ཆུང་བ་འབབ་རྒྱུ་དང་ས་བབ་དམའ་བའི་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། ནག་ཆུའི་ཤར་རྒྱུད་དང་ཆབ་མདོར་གནམ་འཐིབས་ནས་ཆར་པ་ཆུང་བ（གངས）འབབ་རྒྱུ། ས་ཁུལ་གཞན་དག་ལ་སྤྲིན་པ་མང་པོ་འཁོར་རྒྱུ།

གཟའ་སྤེན་པ་དང་གཟའ་ཉི་མ། ཉིང་ཁྲི་དང་ལྷོ་ཁའི་ཤར་ལྷོ་རྒྱུད་ལ་ཆར་པ་ཆུང་བ་འབབ་རྒྱུ་དང་ས་བབ་དམའ་བའི་ས་ཆ་ཁག་གཅིག་ལ་ཆར་པ་འབྲིང་བ་འབབ་རྒྱུ། གཞིས་རྩེའི་ལྷོ་རྒྱུད་དང་། ཆབ་མདོའི་བྱང་རྒྱུད། ནག་ཆུའི་ཤར་རྒྱུད། ལྷ་སའི་ཤར་རྒྱུད་བཅས་ལ་སྤྲིན་པ་མང་པོ་འཁོར་ནས་གནམ་འཐིབ་རྒྱུ། ས་ཆ་ཁག་གཅིག་ལ་ཐོལ་ཆར（གངས）འབབ་རྒྱུ། ས་ཁུལ་གཞན་དག་ལ་སྤྲིན་པ་ཉུང་བ་ནས་མང་པོ་འཁོར་རྒྱུ།

གཟའ་འཁོར་འདིའི་ནང་བྱང་ཐང་རྒྱུད་དུ་ལྷག་པ་རིམ་པ་7ནས་8བར་རྒྱག་རྒྱུ་དང་གཙང་པོའི་རྒྱུད་དུ་ཐོལ་རླུང་རིམ་པ་5ཡས་མས་རྒྱག་རྒྱུ།

གཉིས། གྲོས་འགོ

1.ཤར་ལྷོ་རྒྱུད་དང་ལྷོ་རྒྱུད་དུ་སྔར་བཞིན་ཆར་པ་འབབ་རྒྱུ་ཡིན་པས་ཤྭ་འོད་དང་། རི་ཉིལ་བ། འདམ་རྡོའི་ཆུ་རུད་སོགས་ས་གཤིས་ཀྱི་གནོད་འཚེར་འགོག་ཟོན་བྱེད་དགོས།

2.ས་བབ་མཐོ་བའི་རི་ཁུལ་གྱི་ལམ་དུམ་དུ་གངས་གསོག་ཐེབས་སླ་བས་འགྲིམ་འགྲུལ་བདེ་འཇགས་ལ་དོ་སྣང་བྱེད་དགོས།