རང་ལྗོངས་ཀྱིས་དུས་རབས་གོང་མའི་ལོ་རབས་80ནས་བཟུང་བོད་ཡིག་ཆ་འཕྲིན་ལག་རྩལ་གྱི་ལས་དོན་སྤེལ་འགོ་བཙུགས་ཤིང་། ཉེ་བའི་ལོ་ཤས་རིང་། ལྗོངས་ཏང་ཨུད་དང་སྲིད་གཞུང་གི་ཐུགས་ཁུར་དང་རྒྱབ་སྐྱོར་འོག བོད་ལྗོངས་སློབ་ཆེན་གྱིས་ཚབ་མཚོན་དུ་བྱས་པའི་ཚན་ཞིབ་ཚན་པས་ལོ་30ལྷག་ཙམ་འབད་བརྩོན་ལྷོད་མེད་བྱས་པ་བརྒྱུད། བོད་ཡིག་ཆ་འཕྲིན་ཐག་གཅོད་བརྗེ་རེས་ཚད་གཞིའི་མ་ལག་དང་བོད་ཡིག་ཆ་འཕྲིན་ལག་རྩལ་གྱི་ཤེས་ལྡན་མི་སྣ་གསོ་སྐྱོང་མ་ལག་ཆ་ཚང་ཞིག་བསྐྲུན་པ་མ་ཟད། རྒྱལ་ནང་གི་ཆུ་ཚད་མཐོ་བའི་བོད་ཡིག་ཆ་འཕྲིན་ལག་རྩལ་གྱི་ཚན་ཞིབ་ལས་སྟེགས་ཤིག་ཀྱང་བསྐྲུན་ནས། རང་རྒྱལ་གྱི་བོད་ཡིག་ཆ་འཕྲིན་ལག་རྩལ་འདུ་འགོད་ཅན་དུ་འགྱུར་བར་སྐུལ་འདེད་ནུས་ལྡན་བཏང་ཡོད།

འདི་ནི་བོད་ལྗོངས་སློབ་ཆེན་གྱི་སློབ་མས་བོད་ཡིག་ཆ་འཕྲིན་ལག་རྩལ་གྱི་སློབ་ཚན་ཉན་བཞིན་པ།