འདི་ག་ཚགས་པར་ཁང་དུ་བྲག་ཡིབ་ནས་ཟླ་7ཚེས་28ཉིན་གློག་འཕྲིན་འབྱོར་གསལ། ཉེ་དུས་ཆར་པ་ཆེན་པོ་ཡང་ཡང་བབས་པས་ཉིང་ཁྲི་གྲོང་ཁྱེར་བྲག་ཡིབ་ནས་སྤོ་བོ་རྫོང་བར་གྱི་རྒྱལ་ལམ་318དུམ་བུར་ཚད་མི་འདྲ་བའི་རང་བྱུང་གནོད་འཚེ་ཐོན་ཏེ། སྤོ་བོ་རྫོང་གི་ཡིད་འོང་ཤང་དང་བྲག་ཡིབ་ཆུས་ཀྱི་ལ་ཡོད་གྲོང་ཚོ་སོགས་ཀྱི་འགྲིམ་འགྲུལ་དང་། གློག་ཤུགས། འཕྲིན་གཏོང་བཅས་ཚང་མ་ཆད་པས་རྒྱལ་ཁབ་གློག་དྲ་ཉིང་ཁྲི་གློག་གཏོང་ཀུང་སིས་གློག་ཤུགས་མྱུར་བཟོའི་མི་སྣ་བསྐོངས་ནས་གློག་དྲ་ཉམས་བཟོའི་ལས་དོན་ནུས་ཤུགས་ཡོད་རྒུས་སྤེལ་བ་རེད།

གནོད་འཚེ་ཐོན་རྗེས་རྒྱལ་ཁབ་གློག་དྲ་ཉིང་ཁྲི་གློག་གཏོང་ཀུང་སིས་འཕྲལ་མར་ཉམས་བཟོའི་མི་སྣ་སྒྲིག་འཛུགས་བྱས་ཏེ་འབྲུབ་འགོག་དང་གློག་གཏོང་འགན་ལེན་ལས་ལ་ཞུགས་ཤིང་། ཟླ་7ཚེས་28ཉིན་གྱི་ཆུ་ཚོད་18ཙམ་དུ་སྤོ་བོ་རྫོང་གི་ཡིད་འོང་ཤང་དང་། རྒུ་ཤང་གསོ་ཐང་གྲོང་ཚོ་དང་ཟོང་རྭ་གྲོང་ཚོ། བྲག་ཡིབ་ཆུས་ཀྱི་ལ་ཡོད་གྲོང་ཚོ་དང་། བ་དཀར་གྲོང་ཚོ། ཀླུ་མོ་གྲོང་ཚོ་སོགས་སུ་གློག་སླར་གསོ་བྱུང་ཡོད། མིག་སྔར་ས་ཚིགས་མཐའ་མ་འཕྲེད་ལུང་ཤང་གི་ཆན་ཧྥུའུ་10ཡི་གློག་ཉམས་བཟོ་བྱེད་བཞིན་ཡོད་པ་དང་། རྒྱལ་ཁབ་གློག་དྲ་ཉིང་ཁྲི་གློག་གཏོང་ཀུང་སིས་ས་གནས་ས་ཐོག་གི་གནས་ཚུལ་གཞིར་བཟུང་དམིགས་སའི་རང་བཞིན་གྱི་འཕྲལ་སྡོམ་ཉེན་སེལ་ཇུས་གཞི་བཟོས་ནས་གློག་སྐུད་ཉམས་བཟོ་བྱེད་བཞིན་ཡོད་པ་རེད།