འདི་ག་ཚགས་པར་ཁང་དུ་ཞན་དབྱང་ནས་ཟླ་7ཚེས་25ཉིན་གློག་འཕྲིན་འབྱོར་གསལ། ཉེ་ཆར། སློབ་གསོ་པུའུ་གཞུང་ལས་ཐིང་གིས《2020ལོའི་མཐོ་རིམ་སློབ་གྲྭ་དཀྱུས་མའི་དགེ་འོས་རིགས་ཀྱི་ཆེད་ལས་ཀྱི་རིམ་པ་གཉིས་པའི་ངོས་འཛིན་གཏན་འཁེལ་བྱུང་བའི་ཆེད་ལས་ཀྱི་མིང་ཐོ་ཡོངས་བསྒྲགས་བྱ་རྒྱུའི་སྐོར་གྱི་བརྡ་ཐོ》（དགེ་རྒན་ཐིང་གི་ཡིག〔2020〕ཨང་8པ）བཀྲམ་ནས་བོད་ལྗོངས་མི་རིགས་སློབ་ཆེན་གྱི་རྩོམ་རིག་སློབ་གླིང་གི་རྒྱའི་སྐད་ཡིག་རྩོམ་རིག（དགེ་འོས）ཆེད་ལས་ལ་མཐོ་རིམ་སློབ་གྲྭ་དཀྱུས་མའི་དགེ་འོས་རིགས་ཀྱི་ཆེད་ལས་ཀྱི་རིམ་པ་གཉིས་པའི་ངོས་འཛིན་གཏན་འཁེལ་བྱུང་ཞིང་། ངོས་འཛིན་གཏན་འཁེལ་གྱི་ཆོད་སྡོམ་ནུས་ལྡན་དུས་ཡུན་ལོ་6ཡིན་པ་དང་། 2020ལོའི་ཟླ་7པ་ནས་2026ལོའི་ཟླ་6པའི་བར་ཡིན་པ་རེད།