ལྷོ་ཁ་གྲོང་ཁྱེར་གྲ་ནང་རྫོང་ཡང་ཀ་སྡེ་ཁུལ་གྲོང་ལྷན་གྱི་ཚེ་རིང་སྐྱིན་ཁེབས་མཉམ་ལས་ཁང་2013ལོའི་ཟླ་8པར་བཙུགས་པ་ནས་བཟུང་། ས་གནས་དེ་གའི་གྲོང་མི་ལས་ཞུགས་དང་ལས་གཏོད་བྱེད་པའི་རྟེན་གཞི་གལ་ཆེན་ཞིག་ཏུ་གྱུར་ཡོད། མཉམ་ལས་ཁང་དེས་གཙོ་བོ་ཚེ་རིང་སྐྱིན་ཁེབས་དང་ཟོམ་པ་བཟོ་གི་ཡོད་པ་དང་བཟོ་བཀོད་ལེགས་ལ་བཟོ་ལྟའང་དཔེ་གསར་དོད་པས་ལག་བཟོས་ཐོན་རྫས་དེར་འཛད་སྤྱོད་པས་ཧ་ཅང་དགའ་པོ་བྱེད་ཀྱི་ཡོད། མིག་སྔར་མཉམ་ལས་ཁང་གི་ལོ་རེའི་ཡོང་འབབ་ཁེ་གཙང་སྒོར་ཁྲི་200ལྷག་ཙམ་ཟིན་པ་དང་ས་གནས་དེ་གའི་མང་ཚོགས་ལ་ལས་གནས་45མཁོ་འདོན་བྱས་པ་མ་ཟད། མཉམ་ལས་ཁང་གི་ལས་བཟོར་མི་རེར་ཟླ་རེར་སྒོར་6000ནས་ཁྲི་1.5ལྷག་ཙམ་བར་རག་གི་ཡོད་ཅིང་། འདི་ནི་མཉམ་ལས་ཁང་གི་ལས་བཟོས་ཚེ་རིང་སྐྱིན་ཁེབས་འཚེམ་བཞིན་པ།