འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཉིན་ཤས་བསྟུད་མར། རང་སྐྱོང་ལྗོངས་ཤེས་ལྡན་མི་སྣའི་ཐང་ཆེན་འཛུགས་སྐྲུན་རྣམ་གྲངས་རང་སྐྱོང་ལྗོངས་མི་ཤུགས་ཐོན་ཁུངས་ཁྲོམ་ར་དོ་དམ་ཞབས་ཞུ་ལྟེ་གནས་ཀྱི་སྒོ་རའི་ནང་གོ་རིམ་ལྡན་པའི་ངང་སྤེལ་བཞིན་ཡོད་པ་དང་མིག་སྔའི་བར་རྣམ་གྲངས་ཀྱི་འཕེལ་རིམ་ཧྲིལ་པོའི་30%ལེགས་སྒྲུབ་ཟིན་པ་དང་སྔོན་རྩིས་བྱས་ན་འདི་ལོའི་ལོ་མཇུག་ཏུ་བསྐྲུན་ཟིན་པ་བྱས་ནས་སྤྱོད་འགོ་ཚུགས་རྒྱུ་རེད།

ཤེས་རྟོགས་བྱུང་བར་གཞིགས་ན། རྣམ་གྲངས་དེའི་ཨར་སྐྲུན་གྱི་སྤྱིའི་རྒྱ་ཁྱོན་ལ་སྨི་ངོས་གྲུ་5097.84ཡོད་པ་དང་ཁྱོན་མ་དངུལ་སྒོར་ཁྲི་2900བཏང་བ་དེར་རིག་ལྡན་ཅན་གྱི་ལས་བསྡུའི་ལས་སྟེགས་200བཙུགས་པ་དང་དེ་བཞིན་རྒྱང་ཁྲིད་ལས་བསྡུ་ཁང་དང་། ལས་འཚོལ་གྲོས་མོལ་དང་ལས་ཞུགས་མཛུབ་ཁྲིད་ཁང་། ལད་མོའི་ངོ་འཕྲད་རྒྱུགས་ལེན་སོགས་ཡོད། དེ་བསྐྲུན་རྗེས“དྲ་ཐོག་དང་དྲ་ཕྱི”གཉིས་ཀྱི་ལས་བསྡུའི་རྣམ་པར་སྐུལ་མ་ཐེབས་ནས་ལས་ཀ་འཚོལ་མཁན་དང་མི་སྤྱོད་ཁེ་ལས་དབར་གྱི་བར་ཐག་ཉེ་རུ་ཕྱིན་ཏེ་མཁོ་སྤྲོད་ཕྱོགས་གཉིས་ཀར་དེ་བས་སྟབས་བདེ་དང་དེ་བས་སྤུས་ལེགས་ཀྱི་ལས་ཞུགས་ལས་སྟེགས་མཁོ་འདོན་བྱ་རྒྱུ་རེད།