《西藏日报》 《西藏日报藏文版》 《人民日报藏文版》 《西藏商报》 《西藏法制报》 《西藏法制报藏文版》

2019年12月29日

༄༅།། དྲན་པའི་མཁའ་ན་ལྡིང་བའི་བཤེས་གཉེན་བྱ་རྒྱལ་རྒོད་པོ།

ཀི་སྒྲ་དང་བཅས་གཉིད་མཚོར་ལྷུང་བ་ཡི་སློབ་མ། །

ཁུ་སིམ་བདེ་བའི་མལ་ཐུལ་མཐུག་པོ་ལས་སློང་མཁན། །

གེ་སར་དམག་ལ་ཞུཌ་འདྲའི་ལས་རོཌ་འགའ་མཐོང་དུས། །

ངོ་མ་ཡིད་ལ་འཇཌ་པའི་བཤེས་གཉེན་འགའ་དྲན་འོངས། །

ཅི་སྟེ་སློབ་འབྲིང་དུས་ནི་ཡུད་ཙམ་ལ་རྫོགས་པ། །

ཆུ་བོ་ཐུར་དུ་བབས་པའི་ངང་ཚུལ་ལས་མ་འདས། །

ཇེ་ཟབ་རིག་ཚན་སྣ་ཚོགས་མིག་སྒོ་རུ་བཤམས་དུས། །

ཉོ་མཁན་གཅིག་ཀྱང་མེད་པའི་ཚོང་པ་བཞིན་འུ་ཐུག །

ཏི་ཤྲི་ཀུན་དགའ་རྒྱལ་མཚན་ལེང་ཅུ་རུ་གཤེགས་རབ། །

ཐུ་མི་ཨ་ནུས་ཡི་གེ་གསར་བཅོས་སོགས་མཛད་ཚུལ། །

དེ་ལ་དེ་བསྟུན་སློབ་ཁྲིད་ཉིན་བྱེད་ཀྱི་སྣང་བས། །

ནོར་རྫས་ཁོ་ནར་ཕྱོགས་པའི་རྨོངས་པ་དེ་གསལ་སོང་། །

པི་ཝང་རོལ་ཆར་མཁས་ཤིང་རྩོམ་རིག་ལ་སྤྲོ་བའི། །

ཕུར་བཀྲ་མཚན་དུ་འཛིན་པའི་བཤེས་གཉེན་གྱི་དྲིན་ལས། །

བཻ་རོ་ཙ་ན་སོགས་པའི་ལོ་རྒྱུས་ཙམ་མ་ཡིན། །

མོ་གཤམ་ཡི་གེ་སོགས་པའི་སུམ་རྟགས་ཀྱང་འབྱོངས་སོ། །

ཙི་ནའི་ཡུལ་སོགས་ས་ཕྱོགས་ངེས་མེད་ལ་མ་འགྲིམས། །

ཚུགས་ཐུབ་རང་རིག་ཡོན་ཏན་སྤྱི་ཡོངས་ལ་མཁས་པའི། །

མཛེ་ཅན་ནད་ལས་འདྲེན་མཁས་ཕུར་བསམ་ཁོང་དྲན་ཚེ། །

ཝོ་རྒྱལ་ཆེ་སོང་ཞུ་བའི་སྤོབས་པ་ལས་མ་འདས། །

ཞི་དུལ་བྱམས་དང་སྙིང་རྗེའི་རང་བཞིན་གྱིས་ཕྱུག་ལ། །

གཟུ་ལུམ་སྤྱོད་པའི་གཡའ་ཙམ་འགོས་པ་ཡང་མེད་པའི། །

འེ་ཅག་གཉིས་པའི་འཛིན་བདག་ལྷག་པ་ཡི་སྐུ་དྲིན། །

ཡོ་འཁྱོག་མེད་པར་སེམས་ཀྱི་གཏིང་ས་ན་ཉར་ཡོད། །

རི་བོ་པང་དུ་འདེགས་ནུས་འགྱིངས་སྟོབས་དང་ལྡན་པའི། །

ལུས་རྩལ་དགེ་རྒན་པ་རྡོར་མཚན་ཙམ་ནས་ཐོས་དུས། །

ཤེད་ཤུགས་རྒྱས་ཀྱང་སློབ་མ་སྤྱི་ཡོངས་ལ་བྱམས་ཤིང་། །

སོ་དཀར་འཛུམ་ཕྲེང་དགོད་པའི་སྙིང་ཉེ་ཞིག་དྲན་འོང་། །

ཧི་ཧི་རྒད་པོའི་དྲན་འཆར་ཆོ་མེད་ཀྱི་ཆབ་རྒྱུན། །

ཨུ་ཚུགས་མཐར་སྐྱེལ་ཚིག་གི་ཡུར་བ་ལ་དྲངས་འདི། །

ཧེ་བག་དོན་དང་འགལ་རིགས་ཅུང་ཟད་ཅིག་ཤོར་ན། །

ཨོ་ཤེས་སྐུ་མཁྱེན་གསལ་འདེབས་ཡང་འདེབས་ཤིག་གནང་རོཌ། །