ཁྱེད་ནི་མཐོ་སྒང་གི་ནོར་བུ་སྟེ།

ཁྱེད་ཀྱིས་མཐོ་སྒང་གི་བོད་མིར་ཡོད་ཚད་སྦྱིན།

ཁྱེད་ནི་མཐོ་སྒང་གི་གྲུ་གཟིངས་ཏེ།

ལོ་ཟླའི་ཤུལ་ལམ་ཁྲོད་དུ་ཁྱེད་ཀྱི་རྐང་རྗེས་མང་།

ཁྱེད་ནི་གདོང་དམར་བའི་ཤག་པོ་སྟེ།

ས་མཐོའི་གྲུ་གཟིངས་སུ་གྲགས་པའི་ནོར་གནག་གོ།

ཁྱེད་ནི་བོད་མིའི་མ་མ་སྟེ།

ཁྱེད་ཀྱི་ནུ་ཞོས་བོད་མིའི་སྐོམ་པ་སེལ།

ཁྱེད་ཀྱི་ལུས་པོས་བོད་མིར་འཚོ་བཅུད་སྦྱིན།

ཁྱེད་ཀྱི་ཤ་རུས་བོད་མིའི་འཚོ་རྟེན་ཡིན།

མདོར་ན། གནའ་ནས་ད་བར།

མི་རབས་ནས་མི་རབས་བར།

བོད་མིའི་འགྲོ་བ་ཁྱེད་ཀྱིས་གསོ་སྐྱོང་གནང་།

ཁྱེད་ནི་གདོང་དམར་བའི་ཨ་ཕ་སྟེ།

མཐིང་སྨུག་སྦྲ་ནག་ཁྱེད་ཀྱི་ལུས་ལས་མཆེད།

དྲོད་ཁོལ་གྱི་རུམ་ས་ཐོག་མ་ཁྱེད་ཀྱིས་གནང་།

ཁྱེད་ལ་གཤིས་འཇམ་དང་གཞུང་དྲང་།

བྱམས་བརྩེ་དང་བློ་བརྟན།

ད་དུང་རྟུལ་ཕོད་དང་བློས་བཏང་གི་སྙིང་སྟོབས་མཆིས།

དེ་དག་ནི་ཁྱེད་ལ་དབང་བའི་རིན་བྲལ་གྱི་རྒྱན་ཆ་ཡིན་ལ།

བོད་མིའི་སེམས་ཀྱི་རྒྱགས་ཕྱེ་ཡང་ཡིན།