第04版:བོད་ཁུལ་གསར་འགྱུ401/2018-01/11/04/2018011104_brief.jpg 上一版3
 
版面导航

第01版
01

第02版
རྒྱལ་ནང་གསར་འགྱུར།

第03版
རྒྱལ་སྤྱིའི་གསར་འགྱུར།
 
标题导航
དགུན་དུས་ཀྱི་ཡར་འབྲོག་གཡུ་མཚོ།
དེང་དུས་ཀྱི་ཉམས་འགྱུར་ལྡན་པའི་ལྷ་མོ།
མཚོ་སྔོན་དུ་ཡོངས་ཁྱབ་སྨན་བཅོས་འགན་བཅོལ་གྱི་རིག་ནུས་ལྟ་སྐུལ་ཚོད་འཛིན་མ་ལག་ཚོད་ལྟའི་ངང་སྤྱོད་འགོ་ཚུགས་པ།
ལྷ་སའི་ལྷ་ཀླུ་སྡེ་ཁུལ་དུ་ལས་བྱེད་པ་དང་མང་ཚོགས་ཆ་སྒྲིག་ནས་ཞི་མཐུན་འཕེལ་རྒྱས་ཀྱི་རྣམ་པ་གསར་པ་གཏོད་པ།
返回网站首页 |西藏日报藏文版 | 西藏法制报藏文 | 西藏日报 | 西藏商报 | 西藏法制报 | 版面导航 | 标题导航
2018年1月11日 星期
3 上一篇  下一篇 4  
དེང་དུས་ཀྱི་ཉམས་འགྱུར་ལྡན་པའི་ལྷ་མོ།
ཤིན་ཧྭ་གསར་འགྱུར་ཁང་གི་གསར་འགོད་པ། ལི་ཨའོ་དང་འཇིགས་མེད་རྡོ་རྗེ།

ལོ་600ལྷག་ཙམ་གྱི་ལོ་རྒྱུས་ལྡན་པའི་གནའ་བོའི་ལྷ་མོར་དབུལ་སྒྲོལ་ཕྱུག་འགྱུར་གྱི་དངོས་ཡོད་བརྗོད་གཞི་འཕྲད་སྐབས་རིག་ཀློང་ཇི་ལྟར་རྡོལ་སྲིད་དམ།

ཟླ་1ཚེས་8ཉིན། གསར་དུ་བརྩམས་པའི་དངོས་ཡོད་བརྗོད་གཞིའི་ལྷ་མོའི་གར་སྟེགས་འཁྲབ་གཞུང《གཟིམ་སྤོས་ལ་བཅངས་པའི་དུང་སེམས》ཞེས་པ་ལྷ་སར་སྐོང་འཁྲབ་བྱས་པ་རེད། འཁྲབ་སྟོན་གྱི་ནང་དོན་ནི་སྤོས་བཟོ་མཁན་གྱི་རྒྱུན་འཛིན་པ་གཉིས་དང་ཁོང་ཚོའི་བུ་ཕྲུག དེ་བཞིན“བོད་སྐྱོད་པ་མི་རབས་གཉིས་པའི”ཤང་ཀྲང་བཅས་ལ་དམིགས་ནས་འཁྲབ་པ་ཞིག་དང་གྲོང་མིས་སྤོས་བཟོས་ནས་དབུལ་སྒྲོལ་ཕྱུག་འགྱུར་གྱི་ལམ་བུར་བསྐྱོད་པའི་གཏམ་རྒྱུད་བཀོད་ཡོད།

“ངས་སྔར་ནས་བཟུང་སྲོལ་རྒྱུན་ལ་བརྩི་འཇོག་དང་དར་སྤེལ་གཏོང་བའི་རྩ་དོན་མཐའ་འཁྱོངས་བྱེད་པ་མ་ཟད། རྨང་གཞི་དེའི་ཐོག་གསར་གཏོད་འོས་འཚམ་ཡང་བྱས་པ་ཡིན”ཞེས་འཁྲབ་ཁྲིད་པ་བསོད་ནམས་ཆོས་སྒྲོན་གྱིས་བཤད། ཁོང་གིས་ད་ཐེངས་ཀྱི་འཁྲབ་སྟོན་ལ་རེ་སྒུག་ཆེན་པོ་བྱེད་ཅིང་། འདི་ནི་ལྷ་མོ《ཐོ་རན་མདོ》རྗེས་སུ་ངས་ལྷ་མོ་གསར་རྩོམ་བྱེད་པའི་ལམ་བུའི་ཁྲོད་ཀྱི་ཚོད་ལྟ་གཞན་ཞིག་ཡིན་ཞེས་བཤད།

འཁྲབ་གཞུང་ནང་། གྲོང་ཚོའི་སྤོས་བཟོ་མཁན་གྱི་རྒྱུན་འཛིན་པ་གཉིས་ཀྱིས་སྲོལ་རྒྱུན་གྱི་ལག་རྩལ་གཞན་ལ་སློབ་འདོད་མེད་ཁར་ཕན་ཚུན་གོ་འཛོལ་ཡང་ཐེངས་མང་ཤོར། ཁོང་གཉིས་པོའི་བུ་ཕྲུག་ཆུང་འདྲིས་བྱམས་པ་ཡིན་རུང་། ཕ་མའི་དབར་གྱི་འགལ་ཟླས་འགྲིག་ཐབས་བྲལ། མཐར“བོད་སྐྱོད་པ་མི་རབས་གཉིས་པའི”ཤང་ཀྲང་གི་སྣེ་ཁྲིད་འོག་རྒྱུན་འཛིན་པ་གཉིས་ཀྱི་འགལ་ཟླ་བསལ་ནས་གྲོང་མིར་སྤོས་བཟོ་རྩལ་བསླབས་ཏེ་ཐུན་མོང་ཐོག་དབུལ་སྒྲོལ་ཕྱུག་འགྱུར་གྱི་བདེ་སྐྱིད་ལམ་བུར་བསྐྱོད་རྒྱུའི་བློ་ཐག་བཅད་པ་དང་འབྲེལ། བུ་ཕྲུག་གཉིས་ཀྱང་དགའ་སྟོན་གཉེན་སྒྲིག་ཐུབ་ཡོད།

བོད་རང་སྐྱོང་ལྗོངས་ལྷ་མོ་ཚོགས་པའི་འཁྲབ་སྟོན་པ་དང་སྤོས་བཟོ་མཁན་རྒྱུན་འཛིན་པའི་བུ་འཁྲབ་མཁན་བསོད་ནམས་དབང་ཕྱུག་གིས“ང་ཚོའི་ད་ཐེངས་འཁྲབ་སྟོན་གྱི་སྟངས་སྟབས་ཚང་མ་སྲོལ་རྒྱུན་ལྷ་མོར་གཞིགས་པ་མ་ཟད། གཞས་གདངས་ཀྱང་སྲོལ་རྒྱུན་ལྷ་མོ་ལྟར་ཡིན། དེ་ཕྱིར་འཁྲབ་སྟོན་དེས་འཁྲབ་གཞུང་ནང་གི་མི་སྣའི་བརྩེ་སེམས་ཇི་མ་ཇི་བཞིན་མངོན་ཐུབ”ཡོད་ཅེས་བཤད།

འཁྲབ་སྟོན་པ་ཚོས་སྲོལ་རྒྱུན་གྱི་བོད་ཆས་སྤྲས་པ་དང་། སྤྲོ་སེམས་འཕེལ་བའི་རྔ་དང་འཁར་རྔའི་སྒྲ་དང་གཞས་གདངས་ཀྱི་འགྱུར་ཁུག་སྙན་ཞིང་འཇེབས་ལ་སྐད་གསང་མཐོན་པོ་ཡོད། གར་སྟེགས་ཐོག་གི་ཁོང་ཚོའི་སྟངས་སྟབས་ཚང་མ་ལྷ་མོའི་འཁྲབ་གཞུང་བརྒྱད་ཀྱི་སྲོལ་རྒྱུན་ལ་གཞིགས་ནས་འཁྲབ་པ་ཞིག་རེད།

“ལྷ་མོའི་ནང་དངོས་ཡོད་ཀྱི་དབུལ་སྒྲོལ་བརྗོད་གཞི་བསྣན་ཚེ་ཧ་ཅང་དཔེ་གསར་ཞིག་ཆགས་རྒྱུ་རེད། དེར་ང་རང་མོས་མཐུན་ཡོད། གང་ལགས་ཤེ་ན། འདི་ནི་ང་ཚོའི་ཉེ་འགྲམ་གྱི་བྱ་བ་ཞིག་ཡིན་པས་ཡིན”ཞེས་ལྟད་མོ་བ་སྤེན་སྒྲོལ་གྱིས་གསར་འགོད་པར་བཤད།

འཁྲབ་ཡུན་ཆུ་ཚོད་གཉིས་ཙམ་རིང་། འཁྲབ་ཁྲིད་པ་ཚེ་རིང་ཆོས་སྒྲོན་གྱིས་གར་སྟེགས་འོག་འཁྲབ་སྟོན་ལ་ལྟ་བཞིན“འཁྲབ་སྟོན་པ་ཚོའི་དེ་རིང་གི་འཁྲབ་སྟོན་ལ་ང་རང་བློ་ཡིད་ཚིམ་པོ་བྱུང་། ངའི་བསམ་པར་བརྗོད་གཞི་སྔར་བས་མང་བ་ལྷ་མོའི་ནང་བསྣན་ཚེ་གནའ་བོའི་འཁྲབ་གཞུང་འཕེལ་རྒྱས་འགྲོ་བར་ཕན་པ་ཡོད་ལ། དེ་ཉིད་སྔར་བས་ཁྱབ་སྤེལ་ཡོང་བ་ཡང་ཕན་པ་ཡོད”ཅེས་བཤད།

(མཚམས་གཅོད་ཀྱིས་བསྒྱུར། རིག་རྡོར་གྱིས་ཞུས)

3 上一篇  下一篇 4  
国内统一刊号:CN54—0001/—Z  邮发代号:67—2
   第01版:01
   第02版:རྒྱལ་ནང་གསར་འགྱུར།
   第03版:རྒྱལ་སྤྱིའི་གསར་འགྱུར།
   第04版:བོད་ཁུལ་གསར་འགྱུར།
དགུན་དུས་ཀྱི་ཡར་འབྲོག་གཡུ་མཚོ།
དེང་དུས་ཀྱི་ཉམས་འགྱུར་ལྡན་པའི་ལྷ་མོ།
མཚོ་སྔོན་དུ་ཡོངས་ཁྱབ་སྨན་བཅོས་འགན་བཅོལ་གྱི་རིག་ནུས་ལྟ་སྐུལ་ཚོད་འཛིན་མ་ལག་ཚོད་ལྟའི་ངང་སྤྱོད་འགོ་ཚུགས་པ།
ལྷ་སའི་ལྷ་ཀླུ་སྡེ་ཁུལ་དུ་ལས་བྱེད་པ་དང་མང་ཚོགས་ཆ་སྒྲིག་ནས་ཞི་མཐུན་འཕེལ་རྒྱས་ཀྱི་རྣམ་པ་གསར་པ་གཏོད་པ།