བོད་ལྗོངས་སྙེ་མོ་རྫོང་གི་དེང་རབས་ཞིང་ལས་ཐོན་ལས་གླིང་གི་ཁྲེ་ལི་ཙི་འདེབས་འཛུགས་འགན་འཁུར་བ་བདེ་སྐྱིད（རྫོང་རང་བྱུང་ཐོན་ཁུངས་ཅུས་ཀྱི་ལས་བྱེད་པ）དང་རྟེན་གཞིའི“གནས་དང་གནས་གཏན་འཁེལ”གྱི་ཐོན་ལས་རོགས་སྐྱོར་ལས་བྱེད་པ་གཞན་6གིས་མཉམ་དུ་ཡིག་ཚགས་དང་གཱ་བཟོས་པའི་དུད་ཚང་དབུལ་པོ་98ལ་འདེབས་འཛུགས་ལག་རྩལ་དམར་ཁྲིད་བྱས་པས། ཁྲེ་ལི་ཙི་དང་སྐྱེ་ལྡན་སྔོ་ཚལ་འདེབས་འཛུགས་ཀྱི་ཐོན་སྐྱེད་རིན་ཐང་སྒོར་ཁྲི་100ལྷག་ཙམ་ཟིན་ནས་མང་ཚོགས་མི་ཐེངས་585ལ་སྐུལ་ཁྲིད་ཐུབ་པ་དང་། ངལ་ནུས་བགོ་འགྲེམས་སྒོར་ཁྲི་25བྱུང་ཡོད། དེ་ལས་མང་ཚོགས་ཀྱི་ལྟོ་གོས་གནད་དོན་ཐག་གཅོད་ཐུབ་པ་མ་ཟད། མང་ཚོགས་ཀྱི་བསམ་བློ་ཡར་རྒྱས་ཕྱིན་ནས་མི་རིགས་མཐུན་སྒྲིལ་ཇེ་ཟབ་ཏུ་ཕྱིན་ཡོད། འདི་ནི་བདེ་སྐྱིད་ཀྱིས་ཁྲེ་ལི་ཙིའི་སྡོང་པོར་ཡལ་གཅོད་རྒྱག་བཞིན་པ།