མཚོ་སྔོན་ནས་ཧོ་ནན་བར་གྱི་ཆན་ཧྥུའུ་±800ཡི་ཆེས་གློག་ཆེན་གྱི་ཐད་རྒྱུག་གློག་གཏོང་ལས་གྲྭ（གཤམ་ལ“མཚོ་སྔོན་ནས་ཧོ་ནན་བར་གྱི་ཐད་རྒྱུག”ལས་གྲྭ་ཞེས་བསྡུ་རྒྱུ）ནི་འཛམ་གླིང་ཐོག་གི་ཆེད་མངགས་ནུས་ཁུངས་གཙང་མ་ཕྱི་འདྲེན་འཛུགས་སྐྲུན་གྱི་ཆེས་གློག་ཆེན་གྱི་སྐུད་ལམ་ཨང་དང་པོ་དེ་ཡིན་པ་རེད། མིག་སྔར་རྣམ་གྲངས་དེའི་ལེ་ལག་ཚང་བའི་གློག་ཁུངས་འཛུགས་སྐྲུན་བརྟན་པོའི་ངང་བྱེད་བཞིན་ཡོད་པ་དང་མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཀྲོའུ་གསེར་ཆེན་རྫོང་ཁོངས་གཏོགས་ཀྱི་རྨ་ཆུའི་ཆུ་གློག་ཀུང་སིའི་ཆན་ཝ་ཁྲི་220ཡི་ཀོང་ཕུའུ་གློག་གཏོང་རྣམ་གྲངས་དང་ཆན་ཝ་ཁྲི་130ཡི་རླུང་ཤུགས་གློག་གཏོང་རྣམ་གྲངས་ཀྱི་ལས་ཡུལ་དངོས་སུ་ཨར་ལས་མི་སྣས་ཛ་དྲག་ངང་ལས་ལ་བྲེལ་ཏེ“མཚོ་སྔོན་ནས་ཧོ་ནན་བར་གྱི་ཐད་རྒྱུག”ལས་གྲྭའི་ལེ་ལག་ཚང་བའི་གློག་ཁུངས་རྣམ་གྲངས་བདེ་བླག་ངང་སྤྱོད་ཐུབ་པ་བྱས་ཤིང་། འདི་ནི་རྨ་ཆུའི་ཆུ་གློག་གི་ཆན་ཝ་ཁྲི་130ཡི་རླུང་ཤུགས་གློག་གཏོང་རྣམ་གྲངས་ཀྱི་ཟུར་ཞིག་ཡིན་པ།