སི་ཧོ་ཤང་ནི་ཧོའེ་ཧོ་གཙང་པོའི་འགྲམ་དུ་གནས་པ་དང་། མཐའ་བཞིར་ཆུ་བོས་བསྐོར་བའི་སྐད་གྲགས་ཅན་གྱི་སྔོ་ཚལ་ཐོན་ཡུལ་ཞིག་རེད། ཉིན་ཤས་བསྟུད་མར། ཤང་དེས་ཕྱོགས་གཅིག་ནས་རིམས་ནད་སྔོན་འགོག་ཚོད་འཛིན་བྱེད་པ་དང་། ཕྱོགས་གཞན་ཞིག་ནས་དཔྱིད་རྨོད་ཐོན་སྐྱེད་ལ་དམ་འཛིན་བྱས་པས་གང་སར་གསོན་ཤུགས་འཕེལ་བའི་རྣམ་པ་ཞིག་མངོན་ཡོད།
འདི་ནི་ཉེ་ཆར་ཅང་སུའུ་ཞིང་ཆེན་སུའུ་ཆན་གྲོང་ཁྱེར་སི་ཧུང་རྫོང་སི་ཧོ་ཤང་གསོ་ཚགས་ར་བ་གཉིས་པའི་མའེ་དབྱང་ཞོག་ཁོག་མྱུག་གསོ་རྟེན་གཞིའི་ཞིང་པ་ཚོས་གནམ་གཤིས་ཡག་དུས་སུ་མྱུག་གསོའི་དྲོད་ཁང་ལ་བདག་སྐྱོང་བྱེད་བཞིན་པ།