འདི་ག་ཚགས་པར་ཁང་དུ་ཤིས་ཨན་ནས་གློག་འཕྲིན་འབྱོར་གསལ། ཉིན་ཤས་གོང་། ཧྲའན་ཤིས་ཞིང་ཆེན་རིག་དངོས་ཅུས་ཀྱིས་རྒྱལ་ནང་གི་ཟོག་འབྲེལ་དྲ་རྒྱ་དང་། གྲངས་གཞི་ཆེ་མོ། མིས་བཟོས་རིག་ནུས་སོགས་ལག་རྩལ་གཞི་གཅིག་ཏུ་འདུས་པའི་རྟེན་རྫས་བཤམས་མཛོད་ཁང་གི་སྤྱི་པའི་འཕྲོད་བསྟེན་རིམས་འགོག་ལྟ་ཞིབ་ཚད་ལེན་གྱི་གྲངས་གཞིའི་འཚོལ་བསྡུའི་མ་ལག་ཐོག་མ་དེ་སྒྲིག་འཛུགས་བྱས་ནས་ཞིབ་བཟོ་བྱས་པ་རེད། རིག་ནུས་ལྟ་ཞིབ་ཚད་ལེན་ལས་སྟེགས་དེ་བབས་ཚིགས་ཀྱི་དྲོད་ཚད་འཇལ་བའི་མ་ལག་དང་། སྤྲིན་ཚོམ་སྔོན་ཚུད་ཉེན་བརྡ་གཏོང་བའི་མ་ལག་ལས་གྲུབ་ཅིང་། “གནད་དོན་མ་ཐོན་གོང་སྔོན་ཚུད་ནས་ཉེན་བརྡ་གཏོང་བ་དང་། གནད་དོན་ཐོན་རིང་ཐག་གཅོད་བྱེད་པ། གནད་དོན་ཐོན་རྗེས་ཁུངས་འདེད”བཅས་ཀྱི་བརྒྱུད་རིམ་ཧྲིལ་པོའི་ལྟ་སྡོམ་དམིཌ་ཚད་མངོན་འགྱུར་ཐུབ་སྟེ་མིག་སྔའི་ཏོག་གསར་གློ་ཚད་རིམས་ནད་སྔོན་འགོག་ཚོད་འཛིན་ལས་དོན་ཁྲོད་ལག་རྩལ་ཐད་ཀྱི་ལེགས་ཆ་མང་པོ་ལྡན་ཡོད་པ་རེད།